Kroasië

KROASIË

9 – 23 September (15 dae)

Met Passiespel: ±R37 790

Sonder Passiespel: ±R27 560

'n Mens se eerste besoek aan die Adriatiese see is altyd 'n besondere ervaring – 'n reis na die onbekende. Kroasië bestaan uit 1 185 eilande waarvan slegs 66 bewoon word!

Ons toer begin in Zagreb, en sluit in besoeke aan Opatija, elegante stad van rose en magnolias, die Istria-skiereiland met sy pragtige dorpies, bekend vir hulle unieke Christelike argitektuur, asook Pula met sy beroemde antieke Romeinse amfiteater.

Ons gaan na die Plitvice Nasionale Park met 16 kristalhelder mere wat met sowat 90 watervalle verbind is en ook die groteske Diocletian-paleis van Split, met 'n middeleeuse stad binne sy mure.

Ander bestemmings sluit in Dubrovnik, "Die Pêrel van die Adriatiese See" wat op 'n rotsagtige skiereiland geleë is, en die legendariese Korcula-eiland, geboorteplek van Marco Polo.

Die toer sluit af met 'n besoek aan Salzburg, Mozart se stad, met sy talle besienswaardighede. Dan volg die Passiespel in Oberammergau.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op elke toer – mense wat omgee vir elke toerlid.

Suid-Afrikaners wat in die buiteland woon, kan die toer ook meemaak.

Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/

Israel en Egipte

ISRAEL EN EGIPTE

18 Mei – 1 Junie (15 dae)

Met Passiespel: ±R37 975

Sonder Passiespel: ±R23 450

Om deur Israel en Egipte te reis, is vir die Christen altyd 'n bron van inspirasie, 'n geleentheid om die Bybel kraaknuut te beleef. Die toer begin in Kaïro met 'n stadstoer. Daarna ry ons deur die woestyn op die spore van die Israeliete tot by Sinaï, waar ons oornag en vroeg-oggend geleentheid het om die berg te bestyg.

Van daar gaan ons na Eilat, die Dooie See, Massada, Jerusalem, Tiberias en Galilea. Die toer eindig in Kaïro met die aangrypende ervaring van 'n besoek aan die "Kerk op die Ashoop", gebou vir die duisende Christene wat daar woon.

Daarvandaan vertrek die groep na München vir die besoek aan Oberammergau se Passiespel.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op elke toer – mense wat omgee vir elke toerlid.

Suid-Afrikaners wat in die buiteland woon, kan die toer ook meemaak.

Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/

Betowerende Switserland

Betowerende Switserland

Met Passiespel: 16 – 29 Mei 2010 - ±R28 280

Sonder Passiespel: 14 – 25 Mei 2010 - ±R19 480

Nodig om weg te kom van ons Suid-Afrikaanse winterkoue? Dan is ons betowerende Switserland-toer net die antwoord. Ons gaan kuier in die somer wanneer die weer daar heerlik is en die besienswaardighede so uiteenlopend en interessant dat jy jou nooit sal verveel nie.

Switserland het selfs in die somer volop sneeu – so vir mense wat graag wil baljaar, is daar genoeg sneeu. Die natuurskoon, spierwit berge, groen valleie en talle mere is idillies mooi.

Kom deel in hierdie ervaring van 'n leeftyd! Ons kuier by die luukse hotel Blüemlispalp-hotel in Beatenberg vir die bestek van die toer. Beatenberg is 'n bergdorpie net bokant Interlaken in die hart van die Bernese Hoogland, bekend as die juweel van Switserland.

Hiervandaan word, afhangende van die wispelturige Switserse weer, daguitstappies na verskeie plekke onderneem. Jy kan byvoorbeeld Schilthorn of die Jungfrau besoek, per boot oor die Thun-meer vaar, na die natuurwonder van die Aareschlucht gaan kyk, na Clarens ry om die huis te besoek waar pres. Paul Kruger gesterf het of Luzern toe ry om hierdie interessante stad te verken.

Dis ook moontlik om die pragtige Zermatt te besoek, waar die magtige sneeubedekte Matterhorn soos 'n oogtand die lug in toring. Dis alles prentjiemooi.

So mooi is die uitsig van die hotel in Beatenberg waar ons tuis gaan, dat jy geen enkele opsionele uitstappie hoef te onderneem nie. Jy kan jou heeldag net sit en verwonder aan die natuur met die meer onder jou en die drie hoë bergspitse oorkant die meer.

Interlaken is per bus net 'n rukkie van Beatenberg en bied ook baie goeie inkopie-moontlikhede.

Die toer sluit af met twee dae in Oberammergau vir die tienjaarlikse Passiespel, 'n onvergeetlike ervaring. Dis aangrypend om te sien wat die Oberammergauers doen om 'n gelofte wat hulle sowat 375 jaar gelede gedoen het, te bly handhaaf op 'n manier waarop die hele wêreld dit elke tien jaar saam met hulle kan ervaar.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op sy toere – mense wat omgee vir elke toerlid.

Suid-Afrikaners wat in die buiteland woon, kan ook Christine van Wyk-Toere se toere bywoon.

Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/

Duitse Romantiese Roete

Duitse Romantiese Roete

11 – 19 Junie 2010

Slegs gekombineer met Passiespel: ±R30 990

Christine van Wyk-Toere stel bekend ‘n toer vol hoogtepunte! Die Duitse Romantiese Roete strek van Füssen in die suide tot by Würzburg in die noorde. So genoem omdat die woord Romantisch in Duits gebruik word vir ou kastele, ongeskonde dorpies en pragtige natuurtonele wat gedurende die romantiese tydperk deur digters besing is.

Die Roete tussen Füssen & Würzburg was in toeka se tyd 'n ou handelsroete - baie van die karakter van destyds is behou. Verlate plattelandse dele, dorpies met antieke ringmure en van die mooiste natuurtonele in Europa is langs dié roete te sien.

Ons begin in Frankfurt. Daarvandaan reis ons per bus na Rüdesheim, ’n idilliese dorpie aan die Ryn met sy wêreldbekende inkoopstraat, Drosselgasse. Dis 'n smal kleisteenstraatjie, net 144 m lank, met talle winkeltjies, kroeë en straatkafees waar musikante jou dag en nag betower. Booteienaars het die straatjie gebruik om vrag van die rivier na hul huise te vervoer.

Die rustigheid van die Ryn is volgende, met ‘n kort bootvaart. Hoewel die Ryn Europa se belangrikste waterweg en ekonomiese slagaar vir verskeie lande is, sal dit die rustigheid van die vaart en die asemrowende mooi ou kastele en wingerde op die oewers wees wat jy onthou. Die ou kastele het ‘n uiters interessante geskiedenis. Ons vaart neem jou tot by St Goarshausen, die sogenaamde Lorelei-stadjie.

Ná ons vaart ry ons na die pragtige Heidelberg, Duitsland se oudste universiteitstad, waar ons die Heidelberg-kasteel besoek. Die kasteel is oor ‘n tydperk van sowat 400 jaar gebou. Ons besoek die kasteel se binnehof en ook die wêreld se grootste wynvat. Die vat is 8,5 m lank en het 'n deursnee van 7 m. Sowat 130 akkerbome is gebruik in die vervaardiging van die wynvat, wat sowat 100 000 liter wyn hou.

Een van Duitsland se gewildste toeristeplekke, die Swartwoud, is volgende. Dis die hartland van Duitsland se hout- en houtsneebedryf en definitief dié plek om koekoekhorlosies te koop. Een van die dorpies wat ons in die Swartwoud besoek, is Triberg, tuiste van Duitsland se hoogste waterval.

Die pragtige Bodenmeer is ons stopplek vir die volgende twee dae – ons oornag in een van die dorpies om die pragtige natuurskoon te geniet. 'n Besoek aan Manau-eiland in die Bodenmeer is by die toerprys ingesluit. Die eiland word nie verniet die Blomeiland genoem nie. Daar is blomme dwarsdeur die jaar. Dit vergelyk goed met Keukenhof se tulpeprag in die Europese lente. Ewe mooi is die skoenlappertuin op die eiland.

'n Opsionele toer na die Zugspitze, Duitsland se hoogste bergspits, word sterk aanbeveel. 'n Panoramiese uitsig oor die sneeubedekte berge van Duitsland, Oostenryk, Italië en Switserland is moontlik van die Zugspitze. 'n Ratspoortrein neem jou tot heel bo. Dis 'n buitengewoon pragtige ervaring op sy eie.

Op pad na die Passiespel en Oberammergau doen ons aan by Neuschwanstein, koning Ludwig II se sprokieskasteel.

Ons bly twee nagte in of naby Oberammergau, waar ons die tienjaarlikse herdenking van Christus se lyding en kruisiging bywoon. Dis 'n onvergeetlike belewenis. Christine van Wyk-Toere verseker dat toerlede van die beste sitplekke het.

Van Oberammergau af besoek ons drie stede, elk met 'n antieke ou stad wat pragtig bewaar is.

Heel eerste is dit die geskiedkundige Neurenberg en sy Imperiale Kasteel, een van die belangrikste keiserlike paleise van die middeleeue. Daarna kom Rothenburg aan die beurt - Duitsland se bes bewaarde antieke stad. Die hele stad en sy ringmuur en verdedigingstorings is 'n museum en verplaas 'n mens na vergange dae. Die besoek aan die St Jacobskerk, met die houtsnyer Riemenschneider se beroemde altaar wat die Laaste Avondmaal uitbeeld, is onvergeetlik.

Die derde stilhouplek ná Oberammergau is Würzburg, waar ons die indrukwekkende Residensiële Paleis, 'n meesterstuk van Duitse barok-argitektuur, besoek. Die gebou het 345 vertrekke. Die plafonskildery, wat 677 m² beslaan, is die grootste ter wêreld.

Frankfurt en ons terugvlug huis toe lê dan voor. ‘n Toer vol opwinding, romantiek en onvergeetlike oomblikke is wat jy saam met jou terugbring na Suid-Afrika.

Christine van Wyk-Toere reël toere vir die fynproewer. Ons 30 jaar ervaring van gehaltetoere beplan en uitvoer, verseker dat die beste, mees opgeleide toerleiers op elke toer saamgaan. Ons toerleiers is mense wat omgee vir elke toerlid.

Suid-Afrikaners wat in die buiteland woon, kan ook hierdie toer meemaak. Moenie wag nie. Skakel vandag nog.

Kom deel hierdie pragtige toer saam met ons - Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/

Europese Prestige Toer

Europese Prestige Toer

Hierdie besondere toer is so gewild dat ons in 2010 twee van hulle aanbied. Die programme is presies dieselfde, net die datums verskil:

Toer I: 31 Julie – 12/16 Augustus

Toer II: 14 – 26/30 Augustus en is volbespreek

Met Passiespel: ±R36 650

Met verlengingsopsie: ±R45 980

Sonder Passiespel en verlengingsopsie: ±R25 485

Hierdie toer, deur ses van Europa se mooiste lande en stede, is Christine van Wyk-Toere se Prestige-toer. Dit word so genoem omdat die toer ‘n unieke kombinasie van pragtige natuur en wonderlike musiek, kombineer. Ons Europese Prestige-toer kan met of sonder die Passiespel, onderneem word.

Hongarye, waar jy aandete op 'n boot op die Donau geniet terwyl jy die verligte Boedapest bewonder, prikkel die hartsnare. Jy sal verlief raak op Praag, Tsjeggië se hoofstad - een van Europa se mooiste stede.

Mozart en Strauss is die hartklop van Wene en Salzburg. In Wene woon ons in die beroemde Hofburg-teater 'n uitmuntende musiekkonsert (Mozart en Strauss) by. In Salzburg geniet ons 'n Mozart-dinee, waartydens kunstenaars kleredrag uit die Mozart-era dra.

Ons besoek die sprokiesmooi Salzkammergut-dorpies Hallstadt, St Wolfgang en Mondsee (met die kerkie waar Maria in die rolprent The Sound of Music met kapt. Von Trapp getroud is).

Christine van Wyk-Toere neem jou ook na Europa se grootste onderaardse meer waar die Duitsers in 1944 gedurende die Tweede Wêreldoorlog 'n vliegtuigfabriek ingerig het. Van die ou werkwinkels en vliegtuigstukke is nog daar te sien.

Hitler se beroemde Arendsnes, die bergvesting waar die Führer se bewonderaars vir hom vir sy vyftigste verjaardag 'n ontspanningsplek gebou het, is een van die opwindendste stilhouplekke. Die plek is 'n ingenieurswonder en bied 'n ongelooflike uitsig sover die oog kan sien.

Oberammergau en die Passiespel volg - nog 'n hoogtepunt van die Prestige-toer, omdat ons van die beste sitplekke in die Passiespelsaal, wat 5 000 mense kan huisves, verseker is. Ons oornag twee nagte naby Oberammergau en kry so geleentheid om hierdie beroemde klein dorpie met sy beskilderde huise, fyn houtsnywerk en volop inkopiegeleenthede ten volle te benut.

Ons vertrek daarna lughawe toe vir ons aansluitingsvlug na Suid-Afrika.

Diegene wat die Prestige-toer na Switserland en Frankryk wil verleng, vertrek dan van Oberammergau na Chur in Switserland. Daarvandaan ry ons met die Alpetrein deur die groen valleie van Switserland na Zermatt om die Matterhorn te sien. Die Matterhorn is die simbool van Switserland en troon soos 'n oogtand die hoogte in.

Van Zermatt ry ons per bus deur die vrugbare Rhone-vallei na Chamonix in Frankryk vir 'n besoek aan Europa se hoogste berg, Mont Blanc. Die sweefspoor wat ons boontoe neem, is die hoogste ter wêreld. Die asemrowende panoramiese uitsig van bo af oor die Switserse en Franse Alpe bly jou altyd by. Dis 'n gepaste hoogtepunt aan die einde van die Prestige-toer.

Uit Chamonix kyk jy uit op 'n yslike, onbeskryflik mooi gletser wat laag teen die berg afloop.

Voordat ons uit Genève terugvlieg Suid-Afrika toe, besoek ons in hierdie kosmopolitiese stad die Calvyn-kerk en die indrukwekkende Hervormersmonument. Ons vertoef ook by Genève se bekende blomme-horlosie teenaan die meer.

Daar is geleentheid om vir oulaas heerlike Switserse sjokolade te koop voordat ons lughawe toe vertrek vir die terugtog na Suid-Afrika.

Die Prestige-toer is nie 'n jaag-en-kyk toer nie. Christine van Wyk Toere verseker dat dit 'n toer is waar ons die mooiste en beste van hierdie deel van die wêreld besoek, ervaar en geniet. Jy sal weer wil kom.

Elkeen wat belang stel om die indrukwekkende Passiespel-opvoering by te woon en terselfdertyd van Europa se mooiste plekke wil besoek, skakel Christine van Wyk-Toere by:
Tel nr: 012 546 4967
Faks: 012 565 5678
E-pos info@toere.co.za
Web : http://www.travelentoer.co.za/

Suid-Afrikaners wat in die buiteland woon, kan ook saam met Christine van Wyk-Toere se Prestige-toer gaan – met of sonder die Passiespel! Kontak ons op bogenoemde manier.
Moenie wag nie. Skakel vandag nog om die een kans in 10 jaar, die Passiespel, met ons Prestige-toer te kombineer!

Kom verwesenlik jou reisdroom!

Laat Christine van Wyk-Toere jou help.

Middellandse See-Bootvaart

Middellandse See-vaart

4 – 11/15/17 Junie 2010

Met Passiespel: ±R37 200

Sonder Passiespel met Venesië: ±R26 880

Slegs Bootvaart : ±R24 050

Die Middellandse See - ontspanne op 'n luukse boot, waar jy bederf word met elke moontlike gerief, vyfster-etes en die verwondering van die Griekse eilande, Kroasië, Athene en Venesië, is wat Christine van Wyk-Toere jou bied met ons luukse bootvaart.

Van Venesië af neem ons jou deur Noord-Italië oor die Grossglockner-pas na Kaprun in Oostenryk en Oberammergau in Duitsland vir die tienjaarlikse Passiespel in hierdie wêreldberoemde klein Beierse dorpie.

Die Middellandse See-bootvaart is uiters luuks. Verblyf is in luukse en-suite buitekajuite van die Splendour of the Seas. Jy kry drie uitgebreide etes per dag aan boord en koffie en tee met versnaperings dwarsdeur die dag. Alle vermaak en vasmeer, word opsionele uitstappies na besienswaardighede gereël. As jy nie wil saamgaan nie, kan jy steeds ontspan op die boot – daar is geen enkele vervelige oomblik nie. Buitendien, jy kan ook die dorpies waar ons vasmeer, op jou eie verken.

Die bootvaart sluit besoeke aan twee Griekse eilande in : Corfu en Mykonos. Corfu se ou stad is 'n UNESCO-wêrelderfenisgebied. Dis binne loopafstand van die hawe waar die boot vasmeer.

Mykonos is die eiland waar Hercules volgens die mitologiese legende die reuse verslaan het. Die stad self het talle winkeltjies en stalletjies wat aan toeriste 'n inkopie-paradys bied. 'n Opsionele uitstappie na Delos-eiland laat die geskiedenis van 300 vC herleef.

Die besoek aan die naasgrootste stad in Kroasië, naamlik Split, wat 1 700 jaar oud is, is 'n belewenis. Die ou deel van die stad is volledig bewaar en word steeds bewoon.

Athene, wat reeds in die 5e eeu vC 'n wêreldstad was en beskou word as die geboorteplek van die Westerse beskawing, is een van ons volgende ontdekkings. Hier kan jy die Akropolis-heuwel besoek.

Die boot doen ook aan by die klein vissersdorpie Katakolon. Daarvandaan kan jy 'n opsionele uitstappie onderneem na die dorpie Olimpia, waar die eerste Olimpiese Spele in 776 vC gehou is en waar die Olimpiese vlam nog elke vier jaar aangesteek en wêreldwyd uitgedra word. Hierdie opsionele uitstappie neem jou ook na die Tempel van Zeus, waar sy goue en ivoorstandbeeld, een van die sewe antieke Wonders van die Wêreld, eens gepryk het.

Wanneer die boot weer in Venesië vasmeer, onderneem ons 'n kort toer van hierdie stad wat in die water gebou is. Die St Markus-plein en die talle winkeltjies op die Rialto-brug, sal een van jou hoogtepunte wees.

Hier eindig dit nie. Van Venesië af neem Christine van Wyk-Toere jou per bus deur Noord-Italië oor die onvergeetlike Grossglockner-pas na Kaprun in die Oostenrykse platteland. Die bustoer sluit ontbyt en aandetes in en verblyf in baie goeie hotelle.

Dan volg nog 'n hoogtepunt van die toer: ons reis na Oberammergau, wêreldbekende klein Beierse dorpie vir die bywoning van die tienjaarlikse Passiespel. Dis 'n besondere belewenis wat blywende indrukke laat. Ook die Passiespel se koste is by die toerprys ingesluit! Ons Passiespelkaartjies is van die bestes en is gewaarborg.

Indien die tyd dit toelaat, vertoef ons op pad na München vir die terugvlug na Suid-Afrika by Neuschwanstein, koning Ludwig II se sprokieskasteel met sy boeiende geskiedenis.

Dis die eerste keer dat Christine van Wyk-Toere hierdie bootvaart en landtoer saam aanbiedDit word spesiaal gereël sodat toerlede die mooiste van die Middellandse See-eilande en die pragtige natuur van Noord-Italië en Oostenryk kan beleef. Dis ontspanning op sy allerbeste.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op sy toere – mense wat omgee vir elke toerlid.

Word deel van hierdie Middellandse See-toer. Dit sal 'n onvergeetlike ervaring wees.

Suid-Afrikaners wat in die buiteland woon, kan ook hierdie toer meemaak.

Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@oere.co.za
Web : http://www.travelentoer.co.za/

Moenie wag nie, skakel vandag nog!

Ontspan op die Ryn

Rynvaart

3 – 16/18 Mei 2010

Met Passiespel: ±R38 820

Sonder Passiespel: ±R26 930

Gekombineer met Switserland : 3-25 Mei 2010

Met Passiespel : ±R47 720

Sonder Passiespel : ±R38 270

Blomme, water, kastele en sommer net lekker ontspan op 'n luukse boot wat deur dele van Nederland, Duitsland, Frankryk en Switserland vaar - dit is wat wag wanneer jy Christine van Wyk-Toere se jaarlikse bootvaart op die Rynrivier meemaak.

Die afgelope 30 jaar bied Christine van Wyk-Toere al die ongelooflike Rynvaart aan. Die toer is oor die jare sodanig vervolmaak dat talle van die duisende Suid-Afrikaners wat dit reeds meegemaak het, weer en weer gaan. Daar is mense wat dit agt, nege, tien keer meemaak. Die Rynvaart is vir hulle 'n jaarlikse vakansie waar hulle saam met mede-Suid-Afrikaners in luuksheid ontspan.

Een groot voordeel van die Ryntoer is dat mens nie elke aand in 'n ander hotel slaap nie. Wanneer jy in jou kajuit uitgepak het, pak jy eers weer twaalf dae later in wanneer die Rynvaart verby is.

Die Rynvaart begin in Amsterdam, Nederland se belangrikste kanalestad. Suid-Afrikaners het geskiedkundig noue bande met Nederland.

Een van die hoogtepunte van die toer is 'n besoek aan Keukenhof, die wêreld se grootste lentetuin. Christine van Wyk-Toere reël die toer spesiaal rondom die tyd wanneer die blommeprag in Keukenhof op sy mooiste is. Keukenhof is net sowat agt weke per jaar oop, en die derduisende tulpe is dan op hul mooiste. Dis 'n onvergeetlike gesig.

Die Rynvaart neem ons ook na Volendam, 'n skilderagtige dorpie wat min van sy eertydse karakter verloor het. Sy talle klein winkeltjies huisves Nederland se grootste kantversameling.

Daarna begin die Rynvaart in alle erns. Ons doen aan by Keulen en besoek onder meer die Dom-kerk, 'n UNESCO-wêrelderfenis. Dit het byna 700 jaar geduur om die kerk te bou.

By Koblenz verlaat ons die Ryn tydelik en vaar met die Moesel, 'n sytak, na Cochem. Die vaart tussen pragtig omringende berge, wingerde, kersiebome in lentedrag en idilliese stadjies aan weerskante is prentjiemooi en nog 'n hoogtepunt van die Rynvaart-toer.

Terug op die Ryn vaar ons na Boppard. Op pad sien ons talle sprokieskastele uit vergange se dae – die meeste van hulle het interessante sages waaroor die toerleiers u meer vertel.

Die besoek aan Rüdesheim word ‘n heerlike snuffelgeleentheid vir inkope. Sy Drosselgasse is een van die bekendste strate ter wêreld. Dié aand besoek ons 'n vrolike kuierplek met opskop-musiek.

Daarna voort na Speyer, wat 'n sleutelrol in die Hervorming gespeel het en waar ons een van Europa se mooiste Protestantse kerke besoek. Die pragtige gebrandskilderde glasvensters sal lank ‘n wonderprentjie bly.

Van Breisach af gaan die toergroep per bus op 'n daguitstappie na die Swartwoud. Op pad sien ons onder meer Duitsland se hoogste waterval, woude sover die oog kan sien, pragtige valleie en besoek ons 'n spesialiteitswinkel vir diegene wat koekoekhorlosies wil koop.

Die Ryntoer sluit af in Basel, van waar die groep na Oberammergau vertrek vir nog 'n hoogtepunt van die toer: die tienjaarlikse Passiespel.

Christine van Wyk-Toere bied die Rynvaart aan met twee opsies: een met die Passiespel en een sonder die Passiespel. U kan ook kies om die Ryntoer na Switserland te verleng.

Switserland se kuier sal nie volmaak wees as ons nie in die bergdorpie Beatenberg tuis gaan nie. Die sprokiesmooi uitsig oor die Thun-meer en die drie bergspitse die Jungfrau, die Eiger en die Mönch is onvergeetlik. Daguitstappies, onderhewig aan die weerstoestande, kan na die mooiste dele van Switserland, waaronder Zermatt, gemaak word. Die aankomsdatum van hierdie groep terug in Suid-Afrika is op 25 Mei.

Daar is ook 'n toer net na Switserland. Dit duur van 16 – 29 Mei en sluit die Passiespel in.

Christine van Wyk-Toere se Rynvaart is 'n gehaltetoer. Ervare en opgeleide toerleiers vergesel sy toere – mense wat omgee vir elke toerlid.

Om saam te gaan op hierdie onvergeetlike toer skakel Christine van Wyk-Toere by:
Tel nr: 012 546 4967
Faks : 012 565 5678
E-pos : info@toere.co.za
Web : http://www.travelentoer.co.za/

Dis 'n toer wat u nie moet mis nie!

Rusland Bootvaart

Rusland Bootvaart

21 Junie – 4/6 Julie 2010

Met Passiespel: ±R43 485

Sonder Passiespel : ±R28 920

'n Ongeëwenaarde belewenis in die wêreld se grootste land!

Rusland is 'n wêreld op sy eie – anders, aangrypend, plek-plek onbeskryflik mooi, ander dele primitief agterlik. Maar dis 'n land wat onder jou vel inkruip – een waarheen 'n mens telkens wil terugkeer nadat jy een keer daar was. Die talle kerke met die uivormige koepels , die verbysterende skatte van die tsaars, die Rooiplein, die massas en massas water laat blywende indrukke.

Dit is die land waarheen Christine van Wyk-Toere jou neem op 'n bootvaart van Moskou na St Petersburg. In albei stede is geleentheid vir besigtigingstoere na van die mooiste plekke.

Vir die eerste keer is die hele boot net vir ons toer bespreek. Soos met elke bootvaart is die gerief van een keer uitpak en eers nege dae later inpak, ‘n bonus vir reisigers wat nie daarvan hou om uit tasse te leef nie. Drie maaltye per dag word op die boot ingesluit.

Die boot meer by verskeie plekke langs die Volga vas. Daar is vele geleentheid om uitstappies na besienswaardighede te onderneem of om sommer net inkope te doen by snuffelmarkte wat ander koopware het as waaraan Suid-Afrikaners gewoond is.

'n Engelssprekende Russiese gids vergesel die groep die hele tyd. In die groot stede tree plaaslike gidse op.

Gedurende die Russiese bootvaart is daar volop tyd vir ontspan. Die boot het sy eie musiekgroep wat gereeld saans optree. Daar is taalklasse vir diegene wat die basiese vaardighede van die Russiese taal wil aanleer. Die bootgids beskryf die bloedige geskiedenis van hierdie ontsaglike land.

Vir die vroue is daar uiters leersame inligting oor tradisionele Russiese handwerk. Toerlede leer Russiese danse. Aan die einde van die toer is daar 'n konsert waaraan toerlede ook deelneem en wat gewoonlik groot pret is.

Onder die hoogtepunte wat Christine van Wyk-Toere jou gedurende die bootvaart laat sien, is die ongelooflik mooi ondergrondse treinstasies, die Kremlin, die Wapenkamer (Armoury) en die Rooiplein in Moskou en die Hermitage en Peterhoff of die Pushkin-museum in St Petersburg. Dalk wil jy ook 'n Russiese ballet bywoon?

‘n Ander opvatting oor Rusland talm by jou met jou terugkeer na Suid-Afrika. Hierdie geleentheid is een wat jy nie moet misloop nie.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op sy toere – mense wat omgee vir elke toerlid. Jy sal dit op die Russiese bootvaart ervaar.

Soos elke toer wat Christine van Wyk-Toere vir 2010 reël, kan jy kies of jy dit saam met of sonder die tienjaarlikse Passiespel in Oberammergau wil doen.

Word deel van Christine van Wyk-Toere se groeiende getal tevrede kliënte. Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/

Salzburg

Salzburg

5 – 12 Augustus 2010

Word slegs met Passiespel aangebied: ±R27 520

Wanneer jou wegbreek net 8 dae is, het Christine van Wyk-Toere die ideaal. Ons neem jou na die tienjaarlikse Passiespel in Oberammergau én na die betowerende Mozart-stad Salzburg.

Salzburg en sy omgewing is onbeskryflik mooi - beskrywende woorde laat nie reg daaraan geskied nie. Die beste manier om die stad te sien, is op 'n staptoer. Al die mooi plekke is naby mekaar: die bekende Mirabell-tuin, die middeleeuse Getreidegasse (inkoopstraatjie), Mozart se geboortehuis, die Mozartplein, die indrukwekkende katedraal, die grootste middeleeuse kasteel in Europa wat in sy geheel bewaar is, en vele meer.

Ons besoek die Salzkammergut, Oostenryk se belangrikste vakansie-area wat deur koning Franz Josef as 'n "aardse paradys" beskryf is. Die idillies mooi dorpies aan die oewer van pragtige mere, sneeubedekte bergtoppe, uitgestrekte woude en pragtige valleie laat onvergeetlike herinneringe.

Een van die aande woon ons 'n Mozart-Strauss-konsert/dinee by waartydens die kunstenaars klere uit die Mozart-era dra.

In Beiere besoek ons Hitler se Arendsnes. Die pad daarheen is een van Europa se mooistes en word deur menige beskryf as 'n ingenieurswonder. Die uitsig bo van die 2 500 m hoë Kehlstein af is asemrowend mooi.

Daarna vat ons die pad Oberammmergau toe. Hierdie dorpie is nie net vanweë die Passiespel beroemd nie, maar ook weens sy ongelooflike muurskilderye, besonderse houtsnywerk en balkonne met die pragtigste blomme.

Ons bly twee nagte in of naby Oberammergau oor. Toerlede is verseker van die beste sitplekke van waar hulle die onvergeetlike Passiespel kan beleef.

Op pad na München vir ons terugvlug besoek ons Neuschwanstein, een van koning Ludwig II se drie sprokiesmooi kastele.

Christine van Wyk-Toere reël toere vir die fynproewer, het meer as 30 jaar ervaring van gehaltetoere oorsee en stuur ervare en opgeleide toerleiers op elke toer – mense wat omgee vir elke toerlid.

Suid-Afrikaners wat in die buiteland woon, kan die toer ook meemaak.

Skakel Christine van Wyk-Toere by:
Tel nr: 012 546 4967
Faks: 012 565 5678
E-pos: info@toere.co.za
Web: http://www.travelentoer.co.za/